Querida Sorte:
Fuches algo piadosa de nós e quixeches que pasara a data do meu aniversario sen altercados, pero un día despois abandonaches o barco. Sigo a estar enfadada contigo pois non te portas bens coa xente que máis quero. Outra vez falla a saúde que polo de agora non era boa pero mantíñase estable...
Non nos queda máis remedio que armarnos de valor e seguir sen a túa compaña. Volve cando gostes, sempre es ben recibida a pesar do enfado. Pero non sei que pensarías ti de alguén ou de algo que te abandona sempre cando máis se complican as cousas. Ata pronto!